Mwenyekiti wa ccm mkoa wa shinyanga afanya mkutano wa hadhara kata ya ngokolo, apokea changamoto zilizopo.

Na Mapuli Misalaba, Shinyanga

Mwenyekiti wa chama cha mapinduzi CCM Mkoa wa
Shinyanga Mhe. Mabala Mlolwa amesema changamoto zinazowakabili wakazi wa kata
ya Ngokolo Manispaa ya Shinyanga atazifikisha sehemu husika ili ziwezi
kushughulikiwa.

Ametoa ahadi hiyo leo Jumatatu Juni 19,2023 wakati
akizungumza na wakazi wa kata ya Ngokolo kwenye mkutano wake wa hadhara ambapo
baadhi ya wananchi wametaja changamoto ikiwemo changamoto ya miundombinu ya
barabara.

Baadhi ya wananchi wamelalamikia ucheleweshwaji wa
fedha za TASAF baada ya utekelezaji wa miradi na kwamba wamedai kutolipwa Miezi
minne ambapo wamemuomba mwenyekiti huyo kufuatilia changamoto hiyo ili waweze
kupata pesa zao.

Mwenyekiti wa CCM Mkoa wa Shinyanga Mhe. Mabala Mlolwa
ameahidi kufuatilia kero zinazowakabili  huku
akiwaomba wananchi hao kuwa wavumilivu wakati changamoto hizo zinatafutiwa
ufumbuzi.

Mwenyekiti huyo wa CCM Mkoa wa Shinyanga amewaomba
wakazi wa kata ya Ngokolo kuendelea kuiunga mkono serikali ya awamu ya sita
chini ya Rais Dkt. Samia Suluhu Hassan ili kuwa na maendeleo endelevu.

Aidha amewapongeza viongozi mbalimbali wanaosimamia
miradi katika Manispaa ya Shinyanga na kwamba amewaomba wakazi wa kata ya
Ngokolo kuendelea kushirikiana na viongozi wa chama na serikali akiwemo diwani
wa kata ya Ngokolo Mhe. Victor Mkwizu, Mstahiki Meya wa Manispaa ya Shinyanga Mhe.
Elias Ramadhan Masumbuko pamoja na Mbunge wa jimbo la Shinyanga ambaye pia ni
naibu waziri ofisi ya waziri mkuu kazi, vijana na ajira Mhe. Paschal Parobas
Katambi katika shughuli mbalimbali za maendeleo.

Mwenyekiti wa chama cha mapinduzi CCM Mkoa wa
Shinyanga Mhe. Mabala Mlolwa akizungumza na wakazi wa kata ya Ngokolo kwenye
mkutano wa hadhara leo Jumatatu Juni 19,2023.

Viongozi mbalimbali wakiwa kwenye mkutano wa hadhara ulioratibiwa
na Mwenyekiti wa CCM Mkoa wa Shinyanga Mhe. Mabala Mlolwa, kwa lengo la
kuzungumza na kupokea kero za wakazi wa kata ya Ngokolo Manispaa ya Shinyanga leo
Jumatatu Juni 19,2023.