Mbunge mhe. katambi aipongeza jumuiya ya wazazi ccm wilaya ya shinyanga mjini kwa ubunifu, mradi wa ufyatuaji tofali kuanza kutumika mwezi ujao

Na Mapuli Misalaba, Shinyanga

Mbunge wa jimbo la Shinyanga mjini ambaye
pia ni Naibu waziri ofisi ya waziri mkuu kazi, vijana, ajira na watu wenye
ulemavu Mhe. Paschal Patrobas Katambi ameipongeza jumuiya ya umoja wa wazazi
CCM Wilaya ya Shinyanga mjini kwa kuanzisha mradi wa ufyatuaji tofali utakao
wanufaisha na kutoa fursa mbalimbali kwa wananchi.

Ametoa pongezi hizo leo Jumamos Disemba
16,2023 wakati akizungumza kwenye kikao cha baraza la jumuiya ya wazazi Wilaya
ya Shinyanga mjini, baada ya kutembelea mradi huo wa ufyatuaji tofari ulioanzishwa
na jumuiya hiyo kwa lengo la kuimarisha uchumi wao na kutoa fursa kwa wakazi wa
Mkoa wa Shinyanga.

Mhe. Katambi ameipongeza jumuiya ya wazazi
Wilaya ya Shinyanga mjini kwa ubunifu wao ambapo amewasihi kuwa waaminifu
katika utekelezaji wa mradi huo huku akiahidi kuendelea kushirikiana na jumuiya
hiyo katika utatuzi wa changamoto zilizopo ili kufikia malengo waliyojiwekea.

“Nimefika
kwenye eneo la mradi kwa kweli nimefurahishwa sana kwanza niwapongeza sana
viongozi wa jumuiya hii kwa kuwa wabunifu na hiki ndicho kinachotakiwa na
serikali yetu lakini zaidi chama chetu cha mapinduzi hii ni sehemu ya kusaidia
serikali kwenye suala la ajira lakini pia kuchangia kwenye pato la Taifa kwa
maana ya kujenga uchumi niwaombe tu mradi huu uwe endelevu na uzalishe ajira na
tutafute masoko kwa kujinadi kupitia bidhaa tunayoizarisha na mimi nitaendelea
kushirikiana nanyi katika kuendeleza mradi huu”amesema Mhe. Katambi.

Katibu wa jumuiya ya wazazi CCM Wilaya ya
Shinyanga mjini Bi. Doris Yotham Kibabi wakati akisoma taarifa fupi amesema
mradi wa ufyatuaji tofali aina ya Block unatarajiwa kuanza kutumia rasmi  mwezi Januari Mwaka 2024.

Mradi huo upo katika Manispaa ya Shinyanga
karibu na kituo cha afya Kambarage ambapo pamoja na mambo mengine jumuiya ya
wazazi CCM Wilaya ya Shinyanga mjini imetoa vyeti vya pongezi na kuvishukuru
ofisi, viongozi na wadau mbalimbali waliosaidia kufanikisha mradi wa ufyatuaji
tofari ikiwemo ofisi ya jumuiya ya wazazi Taifa pamoja na mjumbe wa Halmashauri
kuu wazazi CCM Wilaya ya Shinyanga mjini Bwana James Jumbe.

“Hali
ya mradi mpaka sasa tumeshanunua mashine mbili za ufyatuaji tofari ambapo
mashine moja niyakutumia mkono mashine nyingine niyakutumia umeme lakini pia
tumejenga banda la kuwekea mashine , tumevuta maji umeme fezi three umeme wa
kiwandani, tumeshavuta bomba la maji, tumejenga sink la maji, tumeshachonga
vibao vya kufyatua tofari pamoja na mapipa ya maji yatakayotumika sehemu ya
kazi za nje”.

“Tunaishukuru
ofisi ya umoja wa wazazi CCM Taifa chini ya Bwana Gilbert Kalima ambaye ni
katibu mkuu wa jumuiya ya wazazi Taifa (MNEC) kwa kutusaidia kiasi cha fedha za
kuendeleza mradi, pili tunaishukuru ofisi ya CCM Mkoa wa Shinyanga kwa
kutupatia eneo la kuanzishia mradi wetu, tatu tunawashukuru wajumbe wa kamati
ya siasa Wilaya ya Shinyanga kupitia kwa katibu wa CCM Wilaya tunawashukuru kwa
kutupatia fedha za ununuzi wa mashine ya kukatia risiti EFD, nne tunawashukuru
wote waliotuchangia michango ya kufanikisha mradi”.

“Shukurani
za kipekee zimwendee Ndugu James Jumbe Wiswa ambaye ni mjumbe wa Halmashauri
kuu wazazi CCM Wilaya ya Shinyanga na mjumbe wa kamati ya siasa Wilaya ya
Shinyanga tunamshukuru kwa kununua mashine mbili za kufyatua tofari aina ya
Block na kutoa fedha za uvutaji wa umeme pamoja na kusaidia shughuli mbalimbali
za jumuiya ya wazazi katika kujiimarisha kisiasa na kiuchumi”.amesema katibu
Doris

Kwa upande wake Mwenyekiti wa jumuiya ya
wazazi CCM Wilaya ya Shinyanga mjini Bwana Fue Mrindoko amesema kupitia mradi
huo wa kufyatua tofali wananchi mbalimbali wa Mkoa wa Shinyanga watapata ajira
kwa kuzingatia uwezo wa mtu bila kuangatia chama cha siasa huku akiwaomba
kujitokeza kwa wingi ili kunufaika na fursa zitakazopatikana kwenye mradi huo.

Naye Mjumbe wa kamati ya siasa, mjumbe wa
kamati ya utekelezaji CCM Wilaya na Mkoa wa Shinyanga, mjumbe wa baraza kuu
Mkoa wa Shinyanga na mjumbe wa mkutano mkuu Mkoa wa Shinyanga Mhandisi James
Jumbe Wiswa ameahidi kuendelea kutatua changamoto kadri ya uwezo wake kama
sehemu ya kuunga mkono juhudi za serikali katika kuchochea uchumi Nchini.

Mbunge wa jimbo la Shinyanga mjini ambaye
pia ni Naibu waziri ofisi ya waziri mkuu kazi, vijana, ajira na watu wenye
ulemavu Mhe. Paschal Patrobas Katambi akizungumza kwenye kikao cha baraza la
jumuiya ya wazazi CCM Wilaya ya Shinyanga mjini leo Jumamos Disemba 16,2023.

Katibu wa jumuiya ya wazazi CCM Wilaya ya
Shinyanga mjini Bi. Doris Kibabi akizungumza kwenye kikao cha baraza la jumuiya
ya wazazi CCM Wilaya ya Shinyanga mjini leo Jumamos Disemba 16,2023.

Mwenyekiti wa jumuiya ya wazazi CCM Wilaya
ya Shinyanga mjini Bwana Fue Mrindoko akizungumza kwenye kikao cha baraza la
jumuiya ya wazazi CCM Wilaya ya Shinyanga mjini leo Jumamos Disemba 16,2023.

 Mjumbe wa kamati ya siasa, mjumbe wa kamati ya
utekelezaji CCM Wilaya na Mkoa wa Shinyanga, mjumbe wa baraza kuu Mkoa wa
Shinyanga na mjumbe wa mkutano mkuu Mkoa wa Shinyanga Mhandisi James Jumbe Wiswa
akizungumza kwenye kikao cha baraza la jumuiya ya wazazi CCM Wilaya ya
Shinyanga mjini leo Jumamos Disemba 16,2023.

 

Mjumbe wa kamati ya utekelezaji jumuiya ya
wazazi CCM Wilaya ya Shinyanga mjini Bwana Peter Frank Alex ( Mr. Black) akizungumza
kwenye kikao cha baraza la jumuiya ya wazazi CCM Wilaya ya Shinyanga mjini leo
Jumamos Disemba 16,2023.





Leave a Reply

Your email address will not be published. Required fields are marked *