Na Mwandishi Wetu
Taasisi ya Teknolojia Dar es Salaam (DIT) imeibuka mshindi wa jumla katika Maonesho ya Pili ya Elimu na Mafunzo ya Ufundi, Ikumbukwe kuwa maonesho haya yalizinduliwa na Waziri Mkuu wa Jamhuri ya Muungano wa Tanzania Mhe. Kassim Majaliwa Ijumaa ya Mei 28, 2021 katika uwanja wa Jamhuri Jijini Dodoma na kufungwa leo June 2, 2021 na Waziri wa Elimu, Sayansi na Teknolojia, Prof Joyce Ndalichako.
Tuzo ya mshindi wa jumla katika Maonesho ya Pili ya Elimu na Mafunzo ya Ufundi
Mkuu wa Kitengo cha Uhusiano na Mawasiliano kwa Umma kutoka Taasisi ya Teknolojia Dar Es Salaam (DIT) Amani Kakana akikabidhiwa Tuzo na Mgeni rasmi wa kilele cha Maonesho haya ambaye ni Waziri wa Elimu, Sayansi na Teknolojia, Prof Joyce Ndalichako.
Akizungumzia ushindi huo, Mkuu wa Kitengo cha Uhusiano na Mawasiliano kwa Umma, Amani Kakana amesema kuwa Ushindi huo ni matunda ya kazi nzuri inayofanywa na Wabunifu wa Taasisi hiyo ikichagizwa na ushirikiano mkubwa wa wadau wakiwemo Wajumbe wa Baraza, Menejimenti, Alumni wetu na Wanajumuiya wa Taasisi ya Teknolojia Dar es Salaam (DIT).
